Akiuukkunnaarallarnissaq periarfissaasorinngilaa
Gazami akiuukkunnaarallartoqarsinnaanngilaq. Israelip præsidentia Shimon Peres ullumi taama oqartoq Ritzauimi allaaserineqarpoq.
Allattoq Mads Lynge
- Gaza sakkutuulersuiffiginianngilarput, Hamasiluunniit suujunnaarsinniarnagu, peqqarniisaarniartarneruna akiorniaripput. Hamasikkut paasisariaqarpaat peqqarniisaarniartarnerit akiorniarneqartariaqartut, tamannalu paasilerunarpaat, Shimon Peres ABC Newsimut oqarpoq.
Akiuukkunnaarallartoqarnissaa periarfissaanngitsoq Shimon Peresip qalleqqissarpaa:
- Hamasip Israelimik rakettit atorlugit saassusseqattaarnera unitsinneqartariaqarpoq akiuukkunnaarallartoqarnissaalu periarfissaanngilaq, Shimon Peres oqarpoq.