Aasianni, Nuummi Paamiunilu akerliussutsimik ullumi pingasunngornermi takutitsisoqassaaq.Assi: Ayelie [CC BY-SA 2.0 (https://creativecommons.org/licenses/by-sa/2.0)]/Flickr/KNR (KNR Edit))

Akitsuutinut nutaanut akerliusut: Pissakinnerusut ilungersortut eqqugaaqqipput

Akitsuutit assigiinngitsut qaffanneqassasut, Inatsisartut ataasinngornermi aalajangerput. Tamannali arlalinnit akerlerineqartoq, marlunngornermi oqaluttuaraarput. Illoqarfinnilu assigiingitsuni akerliussutsimik ullumi takutitsinialerput.

Politikkerit neriorsuutitik attatinngilaat. Innuttaasut isumaat tusaaneqanngillat, tamannalu iliuuseqarfigineqartariaqalersoq.

Akerliussutsimik takutitsiniartut pissaanilinnut taama ilatigut oqaasissaqarput.

- Aaliangersaasunut issiavimmut ingiinnarluni sunaluunniit aaliangersassallugu ajornanngittuaraasinnaavoq, akerliussutsimik takutitsinissamik aaqqussuusseqataasoq, Mariane Alaufesen taama oqarpoq.

Innuttaasut isumaat tusarniaqqaarnagit politikkerit taamatut aalajangersaasarnerat nunatta ilaani arlalinni naammaggittaassutigaat.

Akerliusoq: Ajornerusumik inissisimalissaagut

Marianne Alaufesenilu taamaammat facebookkikkut gruppi politikkikkut oqalliffimmi innuttaasut isumaat tusarusullugit allagaqarpoq.

Nunatsinni peqqinnerusumik inuuneqalernissaq tunngavilersuutigalugu naalakkersuisut akitsuusiinerat tunngaviatigut ajoriffissaqartinngikkaluarlugu, innuttaasut killormut ajornerusumik atugaqalersinnaanerat taassuma ernummatigaa.

AAMMA ATUARUK Aningaasanut inatsit: Sikaritsit, imigassaq, sukkut, sukkulaatit mamakujuttullu akitsorput

- Innuttaasut namminneq inuuneqarput namminnerlu ullutik qanorlu atuiniarnertik aaliangertussaasariaqarpaat.

Peqqinnarnerusumimmi inuuneqarnissaq inuup nammineq tamanna akisussaaffissaraa:

 - Isuma ajunngilaq, kikkut tamarmik peqqinnerulissasut kisianni isumaqanngilanga akit taamatut qaffanneruliinnarlugit peqqinnerulissasut. Imaasinnaasoq peqqinnginneruliinnartugut.

Innuttaasulli tusarniaaffigineqaratillu atugarisaasa allanngortinniarneqarnerat, aqutsinerlunnerusoq Mariane Alaufesen isumaqarpoq.

Akitsuusersuinerit peqqinnerulernissamut aqqutaasorinngilai

- Innuttaasut qulaatiinnarlugit aaliangersaanerit peqqinnerulernissaq neqitsiullugu isumaqarpunga kusananngitsumik aaqqissuussinerit ingerlasut.

Pissakinnerusut ilungersortut eqqugaaqqittut taamma isumaqarpoq.

AAMMA ATUARUK Lige før nye afgifter: Brugseni har solgt 12 gange så meget sukker

- Aap, akitsuusersuineq isummamingut ajunngilaq. Kisianni akitsuusersukkat taakkua innuttaasunut eqqorneqartunut malitseqartitsivigineqarneq ajorput. Ulluinnaat nammakkuminaareeqisut nammakkuminarsaqqinnissaannut.

Mariane Alaufesen KNR-imut taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat