- Taamatut kukkusoqartillugu suliffeqarfinnut tamanut, akitsuutinik akiliisimasut imaluunniit kingornatigut akiliisussanut arlaannaalluunniit akiliissanngillat, aningaasaqarnermut naalakkersuisoq oqarpoq.Assi: Helle Nørregaard

Akitsuutinut akiligassanngortitat Naalakkersuisunit atorunnaarsinneqarput

Akitsuutit pillugit naammaginnanngitsumik aqutsisoqarsimaneranit kingunerluutit naalakkersuisut maanna tigusussanngorpaat, akitsuutaasimasullu akiisa utertinneqarnissaat atorunnaarsillugu.

- Taamatut kukkusoqartillugu suliffeqarfinnut tamanut, akitsuutinik akiliisimasut imaluunniit kingornatigut akiliisussanut arlaannaalluunniit akiliissanngillat, aningaasaqarnermut naalakkersuisoq oqarpoq.

23. november 2015-imi Inatsisartuni pereersunut atuutsitaasumik mamajukujuttut, sunoorsit, sukuluut qummoroortartullu akitsuutinik nutaat allanngortitallu akuersissutigineqarneri niuertunut kingunerisassanik Naalakkersuisut nalilersuinerinut paasissutissanik kukkusunik tunngavissaqarsimanera Aningaasaqarnermut Aatsitassanullu Naalakkersuisup assut ajuusaarutigalugu nalunaarutigaa.

Aamma atuaruk Vittus: mamakujuttunut akitsuummut aaqqiissuteqartoqangajalerpoq

Eqqussinermut akitsuutinik nutaanik qaffanneqartunillu suliffeqarfiit angisuuginnaat akiliisussaanerat manna tikillugu ilisimatitsissutaasimavoq.

Tamannali eqqortuunngitsoq, Randi Vestergaard Evaldsenip nalunaarutigaa. 
Piffissami pineqartumi aamma kioskit mikinerusut, suliffeqarfiit allallu arlallit, kiisalu namminersortutut inuit aamma akitsuutinik nutaanik qaffanneqartunillu akiliisussaasanerat Akileraartarnermut Aqutsisoqarfiup maanna ilisimatitsissutigaa.

Aamma atuaruk IA: Akitsuutit atuutilersinneqarnerinut ulluliussat allanngortinneqarlik

Taamaattumik akitsuutit pereersunut atuutsitamik eqqunneqarlutillu allanngortinnissaat pillugit oqallinnermut manna tikillugu tunngavigisatut nalunaarsuutit soorunami eqqortunik takutitsisuusimanngillat, niuertut inuillu namminersortut eqqorneqartut tamarmik Akileraartarnermut Aqutsisoqarfiup naatsorsuutaani takuneqarsinnaanngimmata.

- Pisoqarsimanera naammaginartuunngivippoq. Paasissutissanik eqqunngitsunik tunngaveqartumik Naalakkersuisut, suliffeqarfiit kikkullu tamarmik nalinginnarmik oqallissimanerat kingunerisimavaa, Aningaasaqarnermut Aatsitassanullu Naalakkersuisoq Randi Vestergaard Evaldsen oqarpoq. 
Taamaattumik 2016-imi Inatsisartut upernaakkut ataatsimiinneranni oqallisigineqartussamik eqqussuinermut akitsuutit pillugit inatsisip allanngortinnissaa pillugu siunnersuummut nassiunneqareesimasumut naqqiummik nassitsisoqassasoq Naalakkersuisut akuerisimavaat.

Aamma atuaruk Aningaasaqarnermut ataatsimiititaliap Naalakkersuisut isornartorsiorai

Qanoq ililluni taama pisoqarsimasinnaanera pillugu pisortaqarfik paasissutissiinissamik suliassinneqarsimasoq, Randi Vestergaard Evaldsenip erseqqissaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat