Akitsuutinik qaffaapallanneq
Naalakkersuisooqatigiit ualimut pingasunngorluinnartoq aalajangiipput imigassanut tupanut sukkunullu akitsuutit qaffanneqassasut.
- Inuiaqatigiinni naalakkersuisutut periarfissaasuaannarpoq inuiaqatigiinni annertunerusumik aningaasatigut aallernissaq. Periarfissallu ilagivaat akileraarutinik qaffaaneq, akitsuutinik qaffaaneq kiisalu assigiingitsutigut sipaarniarneq. Taakku periarfissaaput, Aleqa Hammond oqarpoq.
Akitsuutinik qaffaanerup kingunerisinnaavaa inuit imernikunnerulernerannut?
- Siornatigut misilittakkatta takutippaat imigassamik atuineq nikerialaartartoq ilaanni apparialaartartoq, Aleqa Hammond oqarpoq.
Juliane Henningsen IA-miit naalakkersuisuni ilaasortap oqaatigaa innuttaasut pissakilliornerusut eqqorneqartut. Taammatullu Inuit Ataqatigiit politikkerinngimmassuk inuit pissakilliornerusut aallerfigineqassasut.
- Nalunngilarput peqqinnanngitsunik atuisarneq ilinniarsimanngitsuni nunaqarfinnilu najugalinni atugaasartoq. Isumaqarpunga pissakinnerusut immikkut tassuuna eqqugaasut pissutigalugu inuit nerisassarsiniutissaat allanullu akiliutigisartagaat tassani millisaaffigineqarmata, Juliane Henningsen oqarpoq.
