Akitsuuteqanngitsunik niuernerup unitsikkaluarnera susaarfigaat
Imigassanik tupanillu Nunatsinnut eqqussuussinermi akitsuummit Nunarput 455 millioner koruuninik isertitaqartassasoq naatsorsuutigineqaraluarpoq, kisiannili tamassuminnga isertitat taamaallaat 43,9 million koruuniusimapput.
Nunatsinnukarnermi akitsuusigaanngitsunik pisisinnaanerup taamaatinneqarnerata kinguneranik iluanaarutit qanoq killilersorneqarsimatiginerat, Maliina Abelsenip isummerfiginngilaa.
Imigassat kimittuut Nunatsinnut eqqunneqartartut ataatsimut isigalugu ikileriarsimasut, Aningaasaqarnermut Naalakkersuisup, Maliina Abelsenip, apeqquteqartumut, Per Berthelsenimut nassuiaarpaa. Nunarsuatsinni nunanut allanut sanilliulluta maani Nunatsinni innuttaasut pujortarnerugaluartut, taamaattoq tupat Nunatsinnut eqqunneqartartut aamma ikileriarsimasut Maliina Abelsenip akissutigaattaaq.
Immiaaratorunnaamisimavugut, tamakkununngalu taarsiullugu viinnisornerulersimasugut Aningaasaqarnermut Naalakkersuisup, Maliina Abelsenip, Siumut sinnerlugu Inatsisartuni ilaasortamut, Per Berthelsenimut akissummi aamma eqqaavaa.
Linki ataaniittoq toorlugu nassuiaat tamaat atuarsinnaavat.