Aasaq manna kiannera akitsinni Nunavimmi malunnarsimaqaaq.
Nunavimmi naalakkersuisut allaffeqarfianni silaannarissaammik supoortumik ikkussinissaq aatsaavissuaq akuersissutigineqarsimavoq.
Nunavimmi aasap ingerlanerani 27-inik kiattarsimavoq – tamannalu immikkuullarissorujussuusoq, aviisi Chicago Tribune allaaserinnippoq.
Akitsinni piniartukkormiut aasap ingerlanerani nuannerpallaanngitsumik aamma misigisaqarsimapput, pisiniarfinnummi neqisiniartariaqartarsimapput.
Naggueqatigut nalinginnaasumik tuttut neqaanik neqitortorujussuupput – upernassarli sikup navianarpallaarnerata kingunerisaanik tuttut ingerlaarfimminnukanngitsoorsimapput, taamalu Nunavimmi tuttoqarpiarsimanani.