Akit qaffannerat borgmesterip kamaatigaa

Timmisartuutileqatigiiffiup akitsuinera nutaaq Kujataanik, minnerunngitsumillu takornariaqartitsinermik, eqquivoq, Simon Simonsen oqarpoq.

Simon Simonsenip oqarnera naapertorlugu akit qaffannerisigut Kujataani angallanneq keermiaasiit ajorseriartinneqarpoq. Tassani tikkuarpaa, Narsarsuup Københavnillu akornanni aqqut ukioq naallugu ammatinneqarunnaarmat kujataamiut ukiup annersaani Nuukkoorlutillu Kangerlussuakkoortariaqalernerat.

- Aqqutit ajornarnerulerput, ilaasut sapernusalerput bilitsillu akitsorlutik. Islandimut aqqut neriorsuutaagaluartoq piviusunngunngisaannarpoq, aasaaneranilu bilitsit akikillinissaanik Air Greenlandip neriorsuutigisani maanna unioqqutilluinnaqqissaarpaa, Simon Simonsen erseqqissaavoq. Ilutigalugu aamma erseqqissaatigaa, akit qaffaqqinnerat takornariartitsisunut artukkeerjussuartoq.

- Angalanerit aaqqissuuteriikkat aqaguinnarluni 40 procentinik qaffattartut tuniniarneqarsinnaanngillat, Simon Simonsen aamma oqarpoq, Naalakkersuisullu iliuuseqarnissaat maanna piumasarilerpaa, Kujataani angallannerup pitsaasumik akinillu inornanngitsunik akeqartitsilluni aaqqinneqarnissaannik takku qularnaarissammata.