Akit pillugit takornariat tunuarsimaarput
Takornariat amerlanersaasa Kalaallit Nunaat qinertaraluarpaat akilli qaffasippallaarneri unitsitsisarput
septembarip 19-at 2007 13:50
Kalaallit Nunaanni akit qaffasippallaarnerisa takornariat tunuarsimaartikkaat, angalatitseqatigiiffiit atuagassiaata Take Off –ip misissuiteqqammisaa A og B Analyse inerniliivoq.
Misissuinermut atatillugu aperineqartut 53 procentiisa oqaatigaat, aki apeqqutaatinngitsuugunikku nunani avannarlerni Kalaallit Nunaat ornitassatut qinersimassagaluaritsik. Ornitassaqqigineqartuni tulliuvoq Island pingajuulluni Savalimmiut.
Aperineqartut qulijungaangata arfinillit akipput Kalaallit Nunaannukarsimannginnerminnut pissutaasoq akit qaffasippallaarnerat.
