Akit assigiikkunnaarnerat isorliunerusuni atorunnaassaaq
Ukiup affaa qaangiuppat akit naammaginartut atuutilernissaat naalakersuisut siulittaasuata Hans Enoksenip neriuutigaa.
- Takusinnaavarput nunaqarfimmiut isorliunerusullu nammakkinneqartut, soorunami taanna isiginngitsuusaaginnarsinnaanngilarput, torrallassimanngilarput! Malittai tassalu innaallagissap erngup minnerunngitsumillu nioqqutissat akiisa qafannerinik kinguneqarput, Nunaqarfimmiunut ilungersunartunik inisseqqatitsipput. Nassuerutigereerpara tassuuna torrallaanngitsugut, taannalu allangortinneqartariaqartoq, allanngortinneqarnissaannullu suliniutit massakkut naalakkersuisoqarfinni aallartisarlugit ingerlanneqalereerput. Akit naammaginartumik aaqqinneqarnissaat, innaallagiaq imeq aammalu KNI eqqarsaatigalugu kiffartuussinissamut isumaqatigiissutit sukkavallaartumik appartinneqarsimanerat nunaqarfimmiunut annertuumik angallannikkut ammalu nioqqutissanik pilersuinikkut malugineqartut aamma taakkua annertuumik nalilersoqqissaarneqartariaqarput. Nunaqarfimmiut isorliunerusullu inuiaqatigiinnut kalaallinut ilaapput, taamaammat tamatta inuiaqataasugut tamatta nammaqataallutalu akileqataanissarput allaqqunneqarsinnaanngilaq.
Hans Enoksen neriuppoq kingusinnerpaamik ukiup qeqqa qaangiuppat allanngortitsineq naammassineqassasoq.
Nunaqarfinni isorliunerusunilu akit assigiikkunnaanerneri atorunnaarsinneqarpata tamanna nunatta karsiata akilissavaa. Naalakkersuisoqatigiit Siumut Atassullu suliniuteqarneq pillugu isumaqatigiissuteqarput
