Akissarsiffiunerata kingunerisaanik erngunneq
Akissarsiffiummi nalaani Ileqqutoqaalersimasoq, tassa nipiliornerit, aalakkuttorpassuillu takussaasimaqaat. Akissarsinereernerummi kingorna, tassa akunnerup naanerani angerlarsimaffinni eqqissiviilliornerit amerleriartuartarput, politiillu ulapputtaqalutik. Sapatimmi akunnerup kingulliup ingerlanerani politiit 64-eriarlutik orniguttariaqartarsimapput.
Inuinnaat angerlarsimaffii parnaanngitsoorneqarsimasut igalaaviluunniit matuneqanngitsoorsimasut tillinniarfigitikulatsissimammata ajornartorsiutaaqaaq, taamaammallu inuit angerlarsimaffitik isumannaarlugit qimattarnissaat politiinit kaammattuugineqaqqippoq.
Aamma Nuummi persuttaanerit politiinut suliakkiunneqarsimapputtaaq. Qapiarfiusaamimi qangaanerulaartoq Radiop Qaqqaanik taagorneqartumi inuk saassunneqarsimavoq, saassussisuusorineqartorlu politiinit tigusarineqareersimalluni. Taanna angut saassussisoq ulluni 16-ni tigummigallagassanngortinneqareerpoq.