Akissarsiat qaffalaarsimasut
Allattoq Mads Lynge
februaarip 26-at 2005 17:26
Akileraarutit peerlugit 1997-imiilli akissarsiat aatsaat taama appasitsigipput. 2003-p ingerlanerani akissarsiat 2,5 procentit missaannaani qaffassimapput.
Tassa 6,95 milliardinit 7,12 milliardinut qaffakkamik.
Qaanamiut akissarsiaasa agguaqatigiissillugu annertunerpaamik qaffassimapput, 17,5 procentinik qaffammata. Aammattaaq Iluliarmiut agguaqatigiissillugu akissarsiaat annertuumik qaffassimapput 11 procentinik qaffammata. Aamma Nuummi akissarsiat qaffanneri nuna tamakkerlugu agguaqatigiissitamut sanilliullugu annerupput, 3,5 procentinik qaffassimammata.
Ataatsimut isigalugu kommunini qulini akissarsiat qaffassimapput, kommuninilu arfineq-pingasuni akissarsiat appariarsimapput, ilaatigut 5 procenti tikillugu appariarnersimavoq.