Akissarsiaqqortussuseq tunngavigalugu akileraartitsinermi isertitassat killeqarput

Nunatta karsiata amigartoorutai akissarsiaqqortussuseq tunngavigalugu akileraaruseriaaseq aqqutigalugu matussuserneqarsinnaanerat SIK-p siulittaasuata Jess G. Berthelsenip qularutigaa.

Akileraartarnerup aaqqissuussiiffigineqaqqinnissaa siunertaralugu naalakkersuisut akileraartarneq - atugarissaarnerlu pillugit ataatsimiititaliarsuarmik pilersitsiniarput, akileraarutillu qaffanneqannginnissaat siunnerfigalugu.

Ilisimatuulli isumaqarput akileraarutit massakkutut isikkoqqartillugit attanneqarsinnaanngitsut. Akissarsiaqqortussuseq tunngavigalugu akileraarusersueriaaseq SIK-mit tunngaviatigut isumaqatigineqarpoq, aningaasalli tassuunatigut isertitassat killeqassanerarlugit. SIK-p siulittaasua Jess G. Berthelsen ima oqarpoq:

- Isumaqarpunga piffissamut ungasissumut pilersaarusiortoqartariaqartoq. Aningaasanik atorniarsinnaaneq aamma periarfissatut isigineqartariaqarpoq. Sumummi iluaqutaassava karserput ulikkaarpat, inuillu kaappata.

- Taamaattumik ungasinnerusoq isigalugu pilersaarusiortoqartariaqarpoq. Nunillu allanit aningaasanik atorniarnissaq periarfissat ilagaat. Taamaalillunilu suliffissanik pilersitsisoqarsinnaappat ajussanngikkaluarpoq, Jess G. Berthelsen oqarpoq.

- Maannangaaq ukiunut tallimanut aningaasarsiornikkut ingerlatsinissamik pilersaarusiortoqartariaqarpoq. Taamaalilluni aniungaasat anisut isertullu nammaqatigiissinneqarsinnaanissaat anguneqarniassammat.

Matumani avammut nioqqutissiatta avataanit tikisittakkatsinnit amerlanerunissaat pingaaruteqarpoq.

- Matumani aamma soorlu aalisakkanit tunisassiatta maani suliareqqeqqaarlugit avammut tunisassiarisarnissaat qimeerloortariaqakkatta ilagaat, SIK-p siulittaasua Jess G. Berthelsen naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat