Akisarneq kingusigineqarpoq
Inatsisartut upernaakkut ataatsimiinneranni aqagu oqaluuserisassaagaluit immikkoortut marluk piffissami aalajangerneqanngitsumi kinguartinneqarput, tamannalu naammaginanngitsoq Kattusseqatiginneersoq Anthon Frederiksen isumqarpoq.
- Suliassat suliariniarnerani pilersaarutit malillugit suliniarnermi kinguarsaataasarput. Pingaartumik suliassanut ataasiakkaanut tunngatillugu akissuteqaatit, ilaatigut pisariaqartut pisimanngikkaanni, Naalakkersuisut qanoq akissuteqassanersut nalullugu suliniarnermut ajoqutaasarpoq. Taamaattumik nukingipiluppallaartumik sulinnginnissaq peqqissaartumillu sulinissaq, taanna pingaartipparput, kisianni ullumikkut allanngortoqanngilaq.
Anthon Frederiksen Kattusseqatigiinneersoq taama oqarpoq.
Inatsiartuni eqqartugassani apeqquteqaatit akissutaat kisimik kingusinaarunneqarneq ajorput, aamma allakkat akisassat kingusippallaartukkut akineqartarneri, Demokraatineersut naammagittaalliutigaat. Ulluni suliffiusuni qulini allakkat akisassat kingusinnerpaamik akineqartarnissaat, Demokraatiniit siunnersuutigineqarpoq.
Demokraatit siunnersuutaasa aamma ilagaat, oqaluuserisassat aqagu ilanngunneqartussaagaluit tallimanngorpat akineqarsimanngippata, upernaakkut ataatsimiinnermiit piivinneqarnissaat siunnersuutigaat.
Uparuaanernut atatillugu Naalakkersuisut siulittaasuat, Hans Enoksen oqaaseqartikkusussimagaluarparput, inuttaali napparsimammat oqaaseqartinngitsoorparput.
