Akiliutsinnani qineqqusaartalernissaq assigiinngitsumik isumaqarfigineqarpoq

Namminersornerullutik Oqartussat suliffeqarfiutaanni atorfillit qineqqusaarnissamik isumaliuteqartut, akissarsiatik pigiinnarlugit qineqqusaarsinnaajunnaarnissaannik Namminersornerullutik Oqartussat aappaagumit atuutilersumik aalajangersaaffigisaa, Inatsisartuni ilaasortat oqaloqatigisatta assigiinngitsumik isumaqarfigaat.

Siumumeersoq Doris Jakobsen ilinniarnerminik unitsitsigallarsimavoq. Siunissami qineqqusaassaguni akissarsiassaminit ilanngaatsittalernissani iluarivallaanngilaa:

- Kikkulluunnit akisussaaffimmik taama angitsigisumut qineqqusaarniartut pisinnaatitaaffigisariaqarpaat, suliffitsik aporfiginagu qineqqusaarnissartik. Doris Jakobsen taama oqarpoq.

Taamaattorli namminersortut pisortanilu atorfillit qineqqusaarnerni assigiimmik atugaqalernissaat namminersortut peqatigalugit oqaluuserisassaqqitsippaa.

Inatsisartunili ilaasortat tamarmik taama isumaqanngillat. Atassummeersoq Augusta Salling namminersortutut inuussutissarsiuteqarpoq, mannalu tikillugu nammineq akilikkaminik qineqqusaartarsimalluni, imalu oqarpoq:

- Ajoriffissaqartinngilara, inuup nammineq aalajangertarmagu qinigassanngortissanerluni imaluunnit qinigassanngortissannginnerluni. Ullumikkut qineqqusaartartut amerlaqisut namminneq akilikkaminnik qineqqusaartarput, taamaattumik assigiimmik atugassaqartitsisoqalernissaa pissusissamisuuginnarpoq. Augusta Salling oqarpoq.

Namminersorneq pillugu isumalioqatigiissitat inassutaat tunngavigalugu Inatsisartut 2003-mi ukiakkut ataatsimiinneranni naalakkersuisut akuerseqataaffigaat, pisortat suliffeqarfiutaanni atorfillit siunissami qinigassanngortinniartut akissarsiaqarnatik qinigassanngortittalissasut. Pisortaqarfiit maanna allaffigineqarput, ukioq ataaseq qaangiuppat pisortani atorfillit akissarsiaqaatigalutik qinigassanngortissinnaajunnaassasut.

Maleruagassat nutaat kommunit suliffeqarfiutaanni atorfilinnut namminersortunullu atuutinngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat