Akilinerup sineriaani sillimaniarnerulerusupput
Sinerissami angallannermi pissutsinik ilisimasallit 100-t missaanniittut ataatsimiinneranni paasineqarpoq, ajutoortoqassagaluarpat sillimaniarneq ullumikkut ima ajortigisoq allaat inuppassuit inuunerannik akeqarsinnaalluni avatangiisinillu mingutsitsinerujussuarmik kinguneqarsinnaalluni, taama aviisi Nunatsiaq News allaaserinnippoq.
Annaassiniarnernut tunngasuni akisussaasoq Ed Zebedee ataatsimiinnermut peqataasussaagaluarluni takkussinnaanani nalunaarsimavoq, kinguneraalu Nunavumi qanoq upalungaarsimanissamik suleriaqqittoqassaneranik nalornissuteqalerneq.
Peqataasulli tamarmik una isumaqatigiissutigaat: - Silap pissusaata allanngoriartornerata kingunerisaanik issittup imartaata angallaffiunerulernera ajunaarnersuaqarsinnaaneranik ilimanarnerulersitsimmat iliuuseqartariaqarpugut, peqataasut oqarput.