Akilinermiut annersaasarnermut annertuumik suliniuteqalerput
marsip 22-at 2006 12:03
Akilinermi Yukonimi meeqqanik atornerluisarneq anigorniarlugu ukiuni tulliuttuni sisamani suliniuteqarnissamut Canadap naalagaaffia 1,6 million koruuninik aningaasaliissuteqarpoq.
Aningaasat Yukonimi meeqqaminut angerlarsimaffinni annersaaffiusartuneersunut siunnersuisarnissamut ilaatigut atorneqassapput.
Illoqarfimmi Whitehorsemi arnanut qimarnguimmi sulisoq Rene Claude Carrier oqarpoq aningaasaliissutigineqartut atuisunit assut qujamasuutigineqartut.
- Tassami meerarpassuaqarpoq angerlarsimaffimminnit unnuaannakkut eqqissiviilliorfiusunit arnartik ilagalugu qimarnguinnukaqataasartunik.
Taamaattumik annersaasarnerup meeqqanit kingornunneqannginnissaa pillugu suliniuteqarniarpugut, Rene Claude Carrier erseqqissavoq.
