Akilinermiut aamma kiassiorput
Aputip ulluni makkunani aakkiartupiloornera Kalaallit Nunaanni kisimi pinngilaq – akitsinni aamma taamaappaluppoq.
Nunavumi issisiut aamma kukkusumik inissisimarpaluppoq. Iqalunni sapaatip akunnerata uuma aallartilaarnerani siallersimavoq – ukiullugooq 60-it ingerlaneranni aatsaat pingajussaa februaarip qaamataani siallerpoq, 1986-mi kingullermik siallersimalluni.
Issittoq pillugu Edmontonimi silasiorfimmi silasiortoq, Yvonne Bilan-Wallace, CBS Northimut oqarpoq, Canadap avannaani sila pillugu ukiuni 26-ni misissuisarsimanermini piffissaq manna eqqaamasaminut nuannersunut ilaalluinnassasoq.
- Uppernarpianngilaq – Iqalunni 4,2-mik kiappoq, Pangnirtuumi 6,8-nik. Ukiuni 60-ini tamanna rekordiliineruvoq, silasiortoq oqarpoq.
Ukiup taamaalinerani ”kiannerpaagaangat” nalinginnaasumik 21-inik issittarpoq – issinnerpaaffiani 40-t missaannik issittarsimagami!
