Akilinermi aatsitassarsiorfimmi mingutsitsineq annertooq

Akilinermi Northwest Territories-imi kuultisiorfiit ilaanni, nappartat igitassanik toqunartunik akuutissanik imallit toqqortikkat seerilermata, aatsitassarsiorfinni sulisut ingeniørit tupaallatsinneqaqaat
Allattoq Jaaku Lyberth
decembarip 05-at 2007 06:33

Nappartat aatsitassarsiornermi akuutissanik atorneqartartunik toqqorteriviusarput, kviksølvimik, cyanidemik allanillu toqunartortalinnik imaqartarlutik.

Nappartat marraasamik ujaqqanilluunniit matulerneqarneqartarsimapput, toqqorneqarlutillu, taamaaliornikkut naatsersuutigineqarluni igitassat toqunartullit qulakkeerlugit iginneqartut

Kisiannili avannaarsuani issittaqisumi suullu tamarmik qerrussuuttarfianni nappartat ajoquserneqartarsimapput, akuutissallu toqunartullit anialertarlutik, taamak CBC Newsimut oqarpoq avatangiisinut ingeniøreq Maritz Rykaart.

Ajornerpaamik pisoqarfiusoq tassaavoq kuultisiorfik – Discovery-mik taaneqartartoq, tassani igitassaq 1,1 miliuunit tonsinik annertutigisoq kviksølvitalik 2000-imi, kuultisiorfiup matuneraniit ukiut 30-t qaangiutereersut, isumannaallisarneqarsimasoq.

- Isumaqaraluaratta isumannaallisaatit qaqugorsuarmut atasinnaassasut, kisianni ukiorpassuarni tulliuttuni nakkutigeqqissaarnissaat pisariaqassaaq, Maritz Rykaart oqarpoq.