Radioaviisimi tusagassiortup hashimik pisinerminut atatillugu 500 kr.-nik akiligassinneqarnera politiinit utertinneqarpoq. Nuummi politiit pisortaat Karl-Henrik Simonsen ilisimatitsivoq tusagassiortup mianersoqqussummik tuniinnarneqarnissaa aalajangiunneqartoq.
- Unioqqutitsinera unnerluutigineqarneralu tunuartinneqanngillat, akiligassinneqarnerali tunuartinneqarpoq malittarisassat malillugit taama iliuuseqartut siullermeerutaagaangata akiligassamik tunineqartussaammata, politiit pisortaat oqarpoq.
Politiit mianersoqqussutaat akuerissanerlugu tusagassiortup suli aalajanginngilaa.