Akiliisimanerlutik SISA-mut paasiniaasalerput
decembarip 08-at 2004 06:19
Soraarnerussutisiallit aningaasaateqarfiannut SISA-mut sinerissami suliffeqarfiit akilersuisimanerlutik paasiniartalersimagaat Sulinermik Inuussutissarsiuteqartut Kattuffiata siulittaasua Jess G. Berthelsen oqarpoq.
Sulisitsisut Peqatigiiffiat GA ingasattajaaraluni pisuutitsiniartoqartoq isumaqaraluartoq suliffeqarfiit sinerissamittut tutsiuttalersimapput.
SIK-p siulittaasua Jess G. Berthelsen naliliivoq, soraarnerussutisiassat 15 %-ii angullugit ajornartorsiutigineqartut, suliffeqarfiullu ataatsip ukiut marluk sinnerlugit akiliiumanngitsup eqqartuussivilersuunneqarnissaa suli aalajangiusimallugu, suliarlu maanna piareersarneqaleruttortoq.