Akiliinngitsoortartut siunnersorlugit ikiorneqartut

Akiliinngitsoorlutik inigisaminnit anisitaasartut Danmarkimi aamma ajornartorsiutigineqarput, misileraatitulli aaqqissuussinikkut inissianik attartortut aningaasaqarnerminnik pitsaanerusumik aqutsilernissaannik ikiorneqartarput, dr.dk taama allaaserisaqarpoq.

Allattoq Camilla Dam

maajip 15-at 2015 10:39

Nutserisoq Simon Uldum -

Inissianik attartortut ukiumut 3.000 sinnerlugit inigisaminnit anisitaasarput, Boligkontoret Danmarkilli Boligforeningen 3B-llu attartortut tikillugit oqaloqatigisarnerisigut siunnersortarnerisigullu aaqqiissutissamik pitsaasumik nassaarsimapput.

- Inigisamit anisitsisarnerit attartortut sinnerinut aningaasarpassuarnik naleqartarput, aamma ilaqutariit inissarseqqinniarnissaat immaqalu meeqqanik inissiinissat inuiaqatigiinnut aamma aningaasarpassuarnik naleqarlutik. Taamaammaat akisussaaffik taanna tigorusupparput.

Aamma atuaruk Ineqarnermut akiliutinik akiliinngitsoorsimasut 90-it anisitaasut

- Suliniut ilutsitsiffiulluarpoq. Inigisaminnit anisitaasartut 63 procentinik ikilipput, Boligkontoret Danmarkimi pisortaaneq Michael Demsitz taama oqarpoq.

Misileraatitut aaqqissuussineq ukiup naanissata tungaanut ingerlanneqassaaq, Boligkontoret Danmarkilli aaqqissuussineq ingerlaannartussanngortissimavaa Boligforeningen 3B-llu suliniut iluatsitsiffiulluartoq suli nalilersuiffigisimanagu.

Aamma atuaruk VIDEO Ineqarnermut akiliutinik kinguaattooruteqartut kingunerlutsitserujussuartut

Aaqqissuussineq Boligkontoret Danmarkimi inissiamik attartortumut ataatsimut qaammammut 3 koruuneqarpoq, attartortullu anisitaannginnissaminut siunnersorneqarnerminut 5.000-6.000 koruuninik akiliuteqartussaalluni. Aningaasat taakku immaqa amerlagineqarsinnaapput, Danmarkimili inissiamit anisitaaneq anisitaasumut 60-70.000 koruuninik akeqartarpoq akiliinngitsoortartullu tamanna nammineerluni aningaasassarsiuuttaqariaqartarpaa