Akiliuteqarluni umimmannik tuttunillu 2006-mi piniarsinnaaneq sivitsorneqaatigaluni pisassiissutit aamma inissinneqarput. Akiliilluni umimmattassat ukioq manna 250-it aammalu tuttuttassat 250-it pisarineqarsinnaassapput.
Kangerlussuarmi umimmaat pisarineqarsinnaasut 2005-mi pisassiissutit assigiinnassavaat, Ittoqqortoormiini Kangilinnguanilu akiliilluni umimmianniartoqarsinnaassaaq.
Kitaani akiliilluni tuttunniarsinnaatitaanermi pisassiissutaareersut maliinnassavaat.
Ukioq kingulleq Ittoqqortoormiuni tuttut pisassiissutigineqartut 50-iusimasut katillugit 22-iinnaat pisarineqarsimapput, taamaammat ukioq kingulleq pisarinngitsuukkat ukioq manna pisarineqarnissat,piniartut peqatigiiffianit qinnutigineqarsimapput. Ukioq kingulleq pisarinngitsuukkat 28-iusut marsip qaammataani pisarineqarsinnaasut akuerineqarpoq.