Akileraarutit nalunaarsorneqangajalerput

Siorna akissarsiarisimasatta nalunaarsorneqarfiat tulliani marlunngorpat, 1. marsi, akileraaruseriffimmut tunniuttussaavarput.

Tamatumalu kingorna akileraaruseriffimmiit eqqortumik akileraarutigisassagut naatsorsorneqassapput.

Akileraartarnittalu allaffissornertaa oqilisarniarlugu kommunini akileraartarnermut ataatsimiititaliat ukiortaamiit atuutilersumit atorunnaarput.

Taarsiullugulu kommunini akileraartarnermut akisussaasumit suliarineqartalissapput.

Inatsisartut ukiarmi aalajangiuppaat akileraartarnermi peqqussut nutaaq, tassanilu ilaavoq akileraartarnermi ataatsimiititaliat atorunnaarsinneqarnissaat.

Akileraartarnermi pisortaqarfimmi pisortaq Kaare Hagemann oqarpoq akileraaruseriffimmi sullissineq pisariillisarniarlugu, pitsanngortinniarlugulu kommunini ataatsimiititaliat atorunnaarsinneqartut.

Akileraarutit pillugit naammagittaalliorniaraanni akileraartarnermut siunnersuisoqatigiinnut naammagittaalliortoqartalissasoq, Kaare Hagemann oqarpoq.