Akileraarutissatut siunnersuut isumaqatigiinngissutaavoq
Aningaasat Nunatta karsianut isaasut amerlinissaat siunniunneqarpoq aniatitallu ikilinissaat siunniunneqarlunittaaq. Siunissami atugarissaarnissarput eqqarsaatigalugu Naalakkersuisut siunniussat taama ajornanngitsigigaluarpoq. Atugarissaarnissamut aqqutit ilagaat akileraarutip 37 procentimut appartinneqarnissaa. Taamaattumik Naalakkersuisut isumaqarput taamaaliornikkut sulerusussuseq anguneqassammat.
Tamannali Siummit isumaqatigineqanngilaq:
- Taamaaliortoqassappat qulakkeerneqartariaqarpoq kommunit peqataanissaat aamma akileraarutit appartinneqassappata allanit isaatitsissutaasinnaasunik nassaaqqaartariaqarpoq, soorlu aatsitassarsiornermi isaatinneqarsinnaasut aningaasarpassuit Siumumit eqqarsaatigaagut, tamannali Inatsisartuni isumaqatigiissutaassappata qujanassaqaaq, Jens Imammanelsen oqarpoq.
Siumut innersuummut paatsorsimasoq, Aningaasaqarnermut Naalakkersuisoq, Maliina Abelsen oqarpoq:
- Akileraarut 37 procentimut apparniarutsigu, allatigut aamma akileraarusersuissaagut. Tassalu Nunatta Karsiani aningaasanik amingaateqalissanngilagut. Suliassarput tassaavoq, akileraarusersuiffigisassat amerlinissaat. Tassalu sulinani isertitat ilaat akileraarusersorneqassapput. Paatsoorneruvoq, akileraarut apparpat karsip imai ikilissasut. Eqqortumilli paasinninneruvoq, aningaasartuutit matussutisaqalerpata aatsaat akileraarut 37 procentimut appassagatsigu, Aningaasaqarnermut Naalakkersuisoq, Maliina Abelsen oqarpoq.
Inatsisartut akornanni isumaqatigiinnginneq maanna annertuukasiugaluartoq Aningaasaqarnermut Naalakkersuisup anguniarpaa Inatsisartuni amerlanerussuteqrluartumik innersuussutit isumaqataaffigineqanissaat.
- Amerlanerusuteqarluartut tamatumunnga tunngasumik naapiffeqarnissaat pingartupilussuuvoq. Isumaqarpunga unammilligassat makkua sammineranni, partiimut sorlermut atanerput alarsinaasariaqarpipput. Siunissami tamatta atugarissaarniassagutta, suliassat makkua tamatsinnut unammillernartuupput, aammalumi qularutiginngilara, illua tungiluttut aamma siunissami inuiaqatigiit atugarissaarnissaat kisaatigigaat, Aningaasaqarnermut Naalakkersuisoq, Maliina Abelsen taama oqarpoq.
