Akileraarutinit 112 millioninik utertoortoqassaaq

Aggustip qaamataata naalernerani aningaaserivimmi kontot aningaasanik amerlanerusunik imaqalersimapput tupanniaqinak.

Akileraartarnermut aqutsisoqarfik akileraartartut akileraarutinik siorna akiliivallaarsimasunut 112 millioner koruunik aggustip naalernerani tunniussissaaq.

Utertoorutit katillutik 152 millioni koruuniupput.

Akileraarutinit uteroortussaagaluartut 9.000-it missasannik amerlassuseqartut pisortanut akiitsoqarnerstik pissutigalugu, uteroorutissaagaluit pisortanut akiliutigineqassapput.

Akileraartartut pisortanut akiligassaat 40 millioni koruuninik amerlassuseqartut , Namminersorlutik Oqartussanut, kommuuninut Nukissiorfimmut, inissiaatileqatigiiffimmullu INI A/S-imut akiliutigineqassapput.

Paragraf 15 atorlugu akileraarutit utertoorutissat siusissukkut tunniunneqarnissaanik periarfissaq atorlugu upernaap ingerlanerani qinnuteqartut, pisortanut akiitsui 9 millioni koruunit Akileraartarnermut Aqutsisoqarfiup pissarsiarai.

Akileraartartut pisortanut akiitsui katillugit 50 millioni koruunit Akileraartarnermut Aqutsisoqarfiup pisortanut ingerlateqqinnissaanut isumagivai.