Akileraarusunnani Monacomut nuuttarneq unitsinneqassaaq

Nunat Avannarliit Siunnersuisooqatigiiffiata nunat tamat akornanni akileraarusunnginneq pillugu suliniutaanut isumaqatigiissut ilaavoq.

-Akileraarnikkut akiitsullit aningaasaatiminnik isertitaminnillu toqqortuillutik nunat tamat akornanni unammilleqatigiissinnaaneq sanngiillisassanngilaat. Nunat avannarliit akileraarusunngitsunik unitsitsiniarlutik Monacomik isumaqatigiissuteqarnerat annertuumik siuariaataavoq. Nunat avannarliit nunat tamat suleqatigiinneranni akisussaaffeqarluartuunerat taamaalilluni takutinneqarpoq, Nunat Avannarliit siunnersuisooqatigiivini generalsekretæri, Halldór Ásgrímsson, oqarpoq.

Inuit isertitaminnik aningaasaliissutiminnillu akileraaruteqarumanngitsut paasissutissanik avitseqatigiittarnissamik isumaqatigiissuteqarnikkut akileraaruserisunit misissorneqarsinnaalerput. Aamma pigisat nalillit nunagisami nalunaarsorneqanngitsut isumaqatigiissut aqqutigalugu paasineqarsinnaalerput.

Isumaqatigiissut nunat ataasiakkaat inatsisartuinit suliarineqareeruni atuutsilersinneqassaaq.

Nunat avannarliit isumaqatigiissummut assigusumik Andorra, Antigua og Barbuda, Aruba, Bahamas, Bermuda, Dominica, Grenada, Guernsey, Isle of Man, Jersey, De Nederlandske Antiller, Cayman Islands, British Virgin Islands, Anguilla, Turcs and Caicos Islands, Gibraltar, Grenadinerne, Cook Islands, Samoa, St. Vincent, St. Kitts og Nevis, San Marino aamma St. Lucia isumaqatigiissuteqareerput.