Akileraartarnermut Aqutsisoqarfiup soraarnerussutisiassanut aaqqissuussinermut peqataasussaatitaaneq pillugu apeqqutissaqartunut attaveqarasuartarfik pilersippaa. (Toqqorsivimmit assi)Assi: Matt Madd/Flickr Creative Commons

Akileraarnissamut allagartat nutaat 935-t innuttaasunut eqqugaasunut nassiunneqalersut

Akileraartarnermut Aqutsisoqarfiup soraarnerussutissiassanut akiliinissamut atatillugu akileraartarnissamut procentit qaffaataat kukkusut pillugit attaveqarasuartarfik pilersippaa.

Akileraartarnermut Aqutsisoqarfiup akileraartarnermut allagartat nutaat innuttaasunut 935-nut sapaatip-akunnerata siuliani nassiuppai. Innuttaasut 6.000-init amerlanerusut soraarnerussutisiaqarnissamut peqataasussaatitaanermut inatsimmi piumasaqaataasunik naammassinnissimannginnerannut atatillugu akileraarutissaasa kukkusumik qaffaaffigineqarnerata kingorna tamanna pivoq.

Suliaq naatsumik

- Innuttaasut 6.828-t soraarnerusutisiaqarnissamut aaqqissuussinermut peqataasussaatitaanermut akiliisarsimanngillat. Taamammat Akileraartarnermut Aqutsisoqarfik aningaasanik amigaataasunik akiliisitsiniarpoq.

- Tassa imaappoq innuttaasut 6.628-t inatsit malillugu soraarnerusutisiassanut nammineq katersisussaatitaanermut akiliiniassammata taakku ukioq manna akileraaruteqarnerusariaqarput.

- Innuttaasut qanoq aningaasarsiaqartiginerat apeqqutaalluni 2 procentip 6 procentillu akornanni akileraarnerutinneqassapput.

- Soraarnerusutisiaqalernissamut aaqqissuussamut peqataasussaatitaaneq januaarip aallaqqaataat, 2018-imi atuutilerpoq, Namminersorlutik Oqartussalli Akileraartarnermut Aqutsisoqarfillu akileraarutip procentiata qaffanneratigut soraarnerussutisiassanut aatsaat ukioq manna akiliisitsipput.


Tigusiffik: KNR

Innuttaasut hunnorujulikkaat akileraartarnermut allagartamik ntuaamik tunisinermilu akileraarutit allagartaannik procentimik qaffaaffiunngitsumik pissarsinissartik naatsorsuutigisinnaavaat.

Akileraartarnermut Aqutsisoqarfik tusagassiuutinut marlunngornermi taama nalunaaruteqarpoq.

AAMMA ATUARUK Soraarnerussutisiassanik katersinngitsoorneq: Allakkat tigusisussanut apuutinngitsut

Allagartat nutaanngoraluartut suli unammillernartoqassasoq

Innuttaasut allagartamik nutaamik pissarsisussat tassaapput soraarnerussutisiaqalernissamut 2018-imi katersinissamut pisussaaffimminnik naammassinnissimasutut uppernarsaasimasut. Aammattaaq akiliinissaminnik 1.000 koruunit ataallugit amigaateqartut taakkununnga ilaapput.

Akileraartarnermut Aqutsisoqarfiulli nalunaarutaa naapertorlugu innuttaasut sulisitsisui soraarnerussutisiassanut eqqortumik nalunaarsuisimanngikkunik suli tamatuminnga ajornartorsiuteqarsinnaapput.

Naalagaaffimmi atorfillit akileerutaanni aamma suli unammillernartoqartoq, aqutsisoqarfiup oqaatigaa.

Attaveqarasuartarfik marlunngornermi ammartoq

Innuttaasut soraarnerussutisiassanut aaqqissuussinermut peqataasussaatitaanermut nutaamut apeqqutissaqarunik attaveqarasuartarfimmut immikkut ittumut sianerlutik paasiniaasinnaapput.

Akileraartarnermut Aqutsisoqarfiup innuttaasut apeqqutissaqartut akisinnaajumallugit akeqanngitsumik attaveqarasuartarfik ammarniarlugu aalajangerpaa, oqarasuaatip +299 80 11 33 normoraa.

Akileraartarnermut Aqutsisoqarfiup attaveqarasuartarfia ulluinnarni nalunaaqutaq 8.00-imit 17.00-imut ammasassaaq.

Soraarnerussutisiassanut aaqqissuussinermut peqataasussaatitaaneq

Inuit 18-inik ukioqalereersimasut Kalaallit Nunaannullu tamakkiisumik akileraartussaatitaasut, soraarnerussutisiaqarnissamut aaqqissuussinermut soraarninngornissap tungaanut akiliisalissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat