Akiitsullit akiligassaat akilissavagut
Tamannalu pillugu Inatsisartuni ilaasortaq Malik Berthelsen Siumumeersoq §37-kkut Ineqarnermut Naalakkersuisoq Jens B. Frederiksen pisortat inaataannut akiitsut pillugit apeqquteqarsimavoq.
-Attartortut allat akiitsut akilingitsuukkat akilersuinissaanik piumaffigissanngikkutsigit ,akiitsut matussuserniarlugit akileraarutitigut akitsuutinilluunniit qaffaassoqarneranik kinguneqassagaluarpoq, Jens B. Federiksen Malik Berthelsenip apeqqutaanut ilaatigut taama naqissusiivoq.
Soorli attartortut akiitsui attartortunik allanik akilersorneqalissappat. Tamannali Naalakkersuisup akissuteqarnermini isiginiarsimanngilaa.
Akissuteqarnerminimi tunngavigiinnarpaa akiitsut aningaasartuutillu oqimaaqatigiittariaqartut. Taannalu inatsartut peqqusutaanni §28-mi nr.2, Maji 12-ani 2005-meersumi allassimasoq tunngavilersuutigalugu.
”Namminersornerullutik Oqartussat kommunillu ilaqutariinnut arlalinnut illuutaanni najugaqatigiiffimmi inissianik attartortitsinermit isertitat tamakkiisut sukkulluunniit annertussusilerneqarnerini, najugaqatigiiffiup aningaasartuutinik tamanik akiliisinnaanissaa periarfissinneqassaaq,…..”
Apeqquteqartumullu nalunaarutigineqarpoq ukiut qaammataata siulliit pingasut kingorna akilinngitsuukkat matussuserniarlugit akitsuinermi 44,7 millioni koruniit attartortunik allanit aaneqarsimasut.
Akiitsunullu akilinngitsuukkanut qanoq tapiitigisimaneq takuneqarsinnaavoq inigisap angissusaa 11 koruunimik gangeqaraanni. Assersuutigalugu 60 kvardratmeterimik ineqaraanni ukiumut 660 koruninik aningaasartuutaanerusimassaaq.
