Akigititanik qaffaaniarnermi KANUKOKA ajugaavoq

marsip 29-at 2006 16:49

Napparsimasut paaqqutarineqartarnerinut akigititanik qaffaaniarnermut suliaq KANUKOKA-mut ajugaassutaavoq;

Namminersornerullutik Oqartussat KANUKOKA-lu akigititaasup allanngortinneqannginnissaa isumaqatigiissutigaat.

Sapaatip akunneri marluunngillalluunniit qaangiummata akit qaffatsinneqarmata, sapaatip akunnera ataaseq periarfissaritinneqarpoq, kommuninullu arlalinnut millioninik arlalinnik aningaasartuutaaninngortussaagaluarluni.

KANUKOKAp naammagittaalliornera tusaaniarneqarsimavoq, suligasuartussamillu ataatsimiititaliortoqarluni.

KANUKOKAp siulittaasuata tulliata Knud Kristiansenip angusaq naammagisimaarnerarlugu oqarpoq, kukkunerlu iluarsineqarnerarlugu.

Siunissami akinik qaffaaniartoqassatillugu illuatungeriit imminnut tusarniaqqaartarnissaminnik isumaqatigiissuteqarput. Maannali suli taamaattoqanngitsoq Knud Kristiansen naggasiivoq.