Akiani tuttut nalunaaqutsersorneqarput
Tuttut ingerlaartarneri, aqqutinnaavi pinngortitamillu atuinerat ukiut arlallit ingerlanerini misissuiffiginissaat siunertaavoq. Tamanna ALCOAp aluminiuliorfiliornissaanut atatillugu nukissiorfiliornerup kingunissai qanorlu iliuuseqarfigineqarsinnaaneri nalilersorsinnaajumallugit pivoq.
Taakku ukioq 2010-p naanissaata tungaanut satellitsikkut allakaatitsissasut naatsorsuutigineqarpoq. Satellitsikkut aallakaatitsissutit namminneq am-martussanngorlugit tuttuniillu katattussanngorlugit suliaapput.
Akiani Maniitsumilu tuttunniat tuttunik satellitsikkut aallakaatitsissutilinnik piniaqqunagit Pinngortitaleriffiup qinnuigai.
Tuttunik nalunaaqutsersuineq ilaatigut canadamiu koorpuk ikiortigalugu ingerlanneqarpoq.
Suliaq Pinngortitaleriffiup aammalu Danmarks Miljøundersøgelser suleqatigiissutigaat, misissuinermillu paasisat Norsk Institut for Naturforskning (NINA) suleqatigalugu nalilersorneqassasut Pinngortitaleriffik nalunaarpoq.
