Akersuunnertik unitsikkallarpaat

Libanonimiut sakkutuuisa musliimillu sorsukkumatuut akersuunnerat ippassaq unnukkulli unikkallarsimavoq, musliimit sorsukkumatuut palæstiinamiut qimaasunut najugaqarfissiaanut Libanon-ip avannaata’tungaaniittumut toqqoriartorsimammata.

Seqqorpaluttoqartarunnaarnera qaartartumeerisarunnaarneq atorluarniarlugu inuppassuit tuusintillit toqqissisimanarnerusunut qimarrapput.

Biilit ulikkaavittarlugit takkussuupput angutit, arnat, meeqqat utoqqaallu, qasusimallutik perlilerlutik ullunilu pingasuni sorsuuttunit najummassimanartorsiortinneqarsimaqalutik

Qimarnusimaffipput tamaat aserorsimavaat, imeqanngilaq, nerisassaqanngilaq suna tamaat aserorsimavaat. Biilikuluunnguanut ilaallutik inuit tikiuttut taama oqaluttuarput.

- Qimarnusut oqaluttuaraat toqugasut timaat aqqusinerni tamani tamaaniittut, illullu aseruatitersima-qisut qularnanngittumillu inuit matoorussaasarsimassa-sut. Ippassarli unnukkut sorsuuttut sorsuukkunnaara-llarput. FN-illu naliliinera malillugu inuinnaat

15.000-it sorsuffimmiit qimarrapput. Tassalu Inuit qimaasut qimaasunut najugaqarfimmeersut affaat.

- Suna tamarmi aseruatitersimasoq takuara, arnaq takusani pillugit taama oqaluttuarpoq, ilaquttani ilagalugit qimaasunut najugaqarfissiamiit toqqissisimanarnerusumut qimaasimasoq.

FN aamma Røde kors nerisassanik, imermik nakorsaatinillu agguaassiniarlutik piareersimapput,

Qimaasut nalunngisaminni ilaquttaminniluunniit najugaqarrapput, ilai atuarfinni qimaasunulluunniit najugaqarfissiaasuni inissinneqartarsimallutik. Sulilu qimaasut allat takkussuuttuarput, sakkortuumillu sorsuttoqaleqqinnissaanut tamanna ersersitsiinnarpoq. Libanonimiummi sakkutuui musliiminut sorsukkumatuunut aatsaat qajassuussiunnaarlutik saassutarinnilissammata.

Inuinnaammi sorsuffimmiit ajoqutaajunnaarmata.