Akerliusut niisarnamik toqungasumik tunniusseriaraluarput

Akerliussutsimik takutitsisut Paul Watson siuttorisimagaat, DR ilisimatitsivoq.

Akerliussutsimillu takutitsinermi Brigitte Bardot-p savalimmiormiut naakkittaatsutut taavai.

- Inuit taakku naakkittaatsut nerisassaqarnissartik pinnagu, uumasunik toqutsiniaannarlutik toqoraasarput, Brigitte Bardot oqarpoq, nangillunilu:

- Danmarkip dronningia arlaleriarlugu allaffigisaraluarpara, akineqassanangali. Aamma Danmarkip aallartitaa arnaq, uumasunik illersuiniaqatigiiffimmeersunik Sea Shepard-imeersunik, Savalimmiuni niisarnanik toqoraasunik filmilioriartortunik naapitserusunngilaq. Taamaattumik isumaqarpunga arnat taakku marluk perorsarluarsimasuunngitsut, Brigitte Bardot oqarpoq.

Savalimmiormiut niisarnanik toqoraasarnerat filmiliariniarlugu, Paul Watson Savalimmiut imartaanni aasaq manna angalavoq. Taassuma niisarnat piaraat mikivallaarnera pissutigalugu iginneqarsimasoq angerlamut nassarpaa.

- Isumaqarpunga sunik toqoraasoqartarneranik sunillu eqqaasoqartarneranik uppernarsaatit Danmarkip takusariaqarai, Paul Watson oqarpoq.

Niisarnap piaraata Danmarkip aallartitaqarfiata saavanut iginniarneqarnera politiinit pinngitsoortinneqarpoq.