Akerliusut kiisa 2 millioninngorput
Præsident Mubarakimut taassumalu naalakkersuisuinut akerliussutsiminnik takutitsisut aatsaat taama amerlatigaat.
DR-ip aallartitaata Henrik Lerche Kairomiit ima paasissutissiivoq:
- Tupinnaannarpoq, tassami inuit 2 millionit akerliussutsiminnik takutitsipput, taakkulu akornanniilluni allaanngilaq soorlu arsaattunut isiginnaariaannarluni. Takusinnaasakka naapertorlugit ajortuliortoqarniarsarinngilaq, aamma politiit akerliussutsiminnillu takutitsisut aporaatinngillat. Taamaattorli akornusersuillutik eqqissiviilliortitsiniartut akulerukkaluarput, sakkutuulli akerliussutsiminnik takutitsisut eqqissiviilliortitsiniartunut maleruutiinnaqqunagit mianersoqquaat, naammattoorsigunillu sakkutuut nalunaarfigeqqupput, eqqissiviilliortitsiniat isumaginiassagamikkit.
Akerliussutsiminnik takutitsisut Præsident Mubarakip illorsuanut ingerlaaqatigiinniarpalukkaluarnerat unitsiinnarneqarpoq. Pilersaarummik unitsitsiinnarneq assigiinngitsunik peqquteqarpoq. Siullertut inuit akerliusut 2 millionit missaanniittut præsidentip illuarsuanukartillutik avissaartuutilissapput, aqqusineeqqakkullu ingerlaniartillutik immaqa aamma imminnut tullaatarilissallutik, taamaattoqassappallu navianartorsiortoqarpallaassaqaaq, DR allaaserinnippoq.
