Akerliussutsimik takutitsisut tigusaapput
Københavnimi Nørrebromi Inusuttut ornittagaat assortuussutaaqisoq pillugu inuit 800-it akerliussutsimik ippassaq takutitsimmata inuusuttut 263-nit amerlanerit eqqissiviilliornerujussuaqarmat tigusaapputunnuarlu killisiorneqarlutik.Ilaat allat politiinut peqqarniisaarsimasutut unnerluutigineqarput, allallu inatsit tunngaviusoq naapertorlugu killisiorneqassanersut suli tusarliunneqanngilaq.
Akerliussutsimik takutitsinissaq politiinut nalunaarutigineqarsimanngilaq, tusagassiuutinulli taamaallaat kalerriutigineqarsimalluni. Akerliussutsimilli takutitsisut ingerlaarnissaat politiinut isumaqatigiissutigineqarsimavoq.
Inuusuttut ornittagaata oqaaseqartitaa oqarpoq, akerliussutsimik takutitsisut politiinut ajorsittaarisimapput akineqaramillu imminnut illersornialersimallutik.
Politiit oqarput, akerliussutsimik takutitsisut naatitanik qarmasissianillu millooqqaariarlutik ujaqqanik milluusersulersimasut. Taamaaliorneq 1993-mi maajip 18-ianni eqqissiviilliornersuarmut assersuunneqarpoq.
