Sila pissusiata allanngoriartornera pillugu ilungersuuteqartut Extinction Rebellion aqqusinernik illorsuillu isaaariaanik unioqqutitsisumik assersuisartutut ilisimaneqarput.Assi: Tobias Schwarz/AFP/Ritzau Scanpix

Akerliussutsimik takutitsisut illoqarfinni 60-ini akerliussutsimik takutitsiniartut

Sila pissusiata allanngoriartornera pillugu ilungersuuteqartut Extinction Rebellimeersut 21-it Londonimi akerliussutsimik ataasinngornermi takutititsneranni pålitiitnit tigusarineqarput.

Nunarsuatsinni illoqarfinni 60-ini sapaatip akunnerani matumani akerliussutsimik takutitsisoqarpoq.

Amsterdamimi akerliussutsimik takutitsisut hunnorujulikkaat illoqarfiup qeqqani aqqusinertigut angallanneq assersorpaat.

Taakku politiit peqqussutaannik akililiillutik iliorput politiillu tigusarinnillattaarput.

Berlinimi akerliussutsimik takutitsisut Berlinemi aqquserngit arlaqartut assersorpaat.

Sila pissusiata allanngoriartornera pillugu ilungersuuteqartut Extinction Rebellion aqqusinernik illorsuillu isaaariaanik unioqqutitsisumik assersuisartutut naalakkersuisullu silap pissusianut avatangiisinullu iliuuseqarnissaanik piumasaqaateqartartutut ilisimaneqartuupput.

Eqimattap assersuisarnermi iliuuserisartagai eqqartugaangaatsiartarput.

Eqimattap apriilimi akerliussutsimik takutitsinerisa nalaanni Tuluit Nunaanni illoqarfiit pingaarnersaanni Londonimi, aqquserngit annertuumik assersuiffiuneranni 1000-init amerlanerusut tigusaapput.

Akerliussutsimik takutitsinerit maannakkut siusinnerusumit anginerungaatsiassasut eqimattap aarlerisaarutiginikuuaa.

Londonimi, Madridimi, Amsterdamimi, New Yorkimi illoqarfippassuarnilu allani akerliussutsimik takutitsisoqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat