Akerliussutsimik takutitsisut ataatsimeersuartunut isertut
Akerliussutsimik takutitsisut marluk silap pissusaa pillugu ataatsimeersuarfimmut iserput tassanngaanniilu inersuarmut suaartalerlutik, taama Ritzau nalunaarpoq.
Nunarsuaq massakkorluinnaq atornerlukkunaaqqullugu, aappaa suaartartoq, aappaa ima suartarpoq:
- Nunarsuarmiut, ilagaatsigit!
Ataatsimeersuarnermut aallartitat ilaannit suaartartut pattaanneqarput, FN-illi sillimasuutitaanit kinguninnguatigut anisinneqarput.
Akerliussutsimik takutitsiniat amerlasuut parnaarussiviugallartumut, ataatsimeersuartoqarnissaanut sanaamut, inissinneqartarput, taakkununnga kalaallit marluk ilaallutik.
Parnaarussat ilaat parnaarussiviugallartumiit, Valbymiittumiit, ullup qeqqata siorna qimaariaraluarput, politiinilli tamanna pinngitsoortinneqartoq, Ritzau-imit oqaatigineqarpoq.