Silap pissusiata allanngoriartornerata akiorniarneqarnissaa pillugu sulissuteqartut Extinction Rebellion, amerlanerujartuinnartunit tapersersortillit, akerliussutsimik takutitsinermik aaqqissuisuupput.Assi: Flickr.com / David Holt

Akerliussutsimik takutitsisut 300-t Londonimi politiinit tigusarineqarput

Silap kianneruleriartornerata akiorniarneqarnissaa pillugu akerliussutsimik Londonimi takutitsisoqarmat inuit 300-ngajaat politiinit tigusarineqarput. Tuluit politiivi ippassaq marlunngornermi unnukkut taama nalunaaruteqarput. Nutaarsiassaqartitsivik AFP taama allaaserisaqarpoq.

Avatangiisit pillugit suliniutillit tuusintilikkaat Londonip qiterpasissuani aqquserngit ilaannik assersuipput, silap pissusiata allanngoriartornerata Tuluit naalakkersuisuinit iliuuseqarfigineqarnissaa piumasaralugu.

Silap pissusiata allanngoriartornerata akiorniarneqarnissaa pillugu sulissuteqartut Extinction Rebellion, amerlanerujartuinnartunit tapersersortillit, akerliussutsimik takutitsinermik aaqqissuisuupput.

Extinction Rebellion sapaatip-akunnerata tulliata ingerlanerani ulloq unnuarlu akerliussutsiminnik takutitsiniartut, aaqqissuisut ataasinngormat oqaatigaat.

- Naalakkersuisut aatsaat tusaanialerpaatigut akerliussutsimik takutitsinerput unitsissavarput, Extinction Rebellionip oqaaseqartitaa James Fox oqarpoq.

Inuit 290-it marlunngornermi unnukkut tigusarineqartut, Londonimi politiit London Metropolitan Policep nalunaarutigaat.

Tigusarineqartut amerlanerit eqqissiviilliorsimasutut aqqusinernillu assersuisimasutut pasineqarlutik tigusarineqarput.

Akerliussutsiminnik takutitsisut qimuttuitsut ingerlaarnerannik akornusersuiniarnerat ernumanartoq, Londonip borgmesteriata Sadiq Khanip oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat