Akerliussutsimik takutitsisunut politiit artorsarput

Akerliussutsimik takutitsisut tuusintillit maanna inatsisartut ataatsimiittarfiat tiguarpaat. Europap kangisinnerusortaani demokratiip siuarsarnissaa suleqataaffiginiarlugu kattuffimmi, Silbami atorfilik, Janus Gohr Mørk Moldovami pisunut alaatsinaattoq oqaluttuarpoq, akerliussutsimik takutitsisut præsidentip allaffeqarfia inatsisartullu ataatsimiittarfiat tiguariarlugu, naalakkersuisut qitiusumik allaffeqarfiannut qanillattortut. Manna tikillugu arnaq ataaseq politiillu pingasut toqutaapput.

Tamassuma takutiinnarpaa politiit pikitsitsisunit pissaaneqarnerunngitsut. Moldova europami naalagaaffiit piitsuunerpaartaraat, Vladimir Voroninillu præsidentiunerata nalaani Moldovamiut atugarliorsimaqigamik, taasisitsinerullu nalaani pissutsit naammaginanngimmata, akerliusut pikitsitsilerput. Taamaakkaluartoq qinersisunik kisitseqqittoqarnissaanik pisortatigut suli nalunaartoqanngitsoq, Janus Gohr Mørk oqarpoq.