Akerliussutsimik takutitsiniartut akerliusunit allanit nipangersinneqartut

Ingasaassiniat nunaminnik pingaartitsisut ammillu qalipaataanik immikkoortitsisartut 30-t missaanniittut Washingtonimi præsidentip illorsuata eqqaani sapaammi akerliussutsimik takutitsinissamut atatillugu katersuussimapput.
Allattoq Ritzau
aggustip 14-at 2018 09:58
Nutserisoq Bikki P. Kleist

Akerliussutsminnilli takutitsiniaraluartut akerliusunit allanit 2000-it missaanniittunit nipangersinneqartuusipput.

Charlottesvillemi, Virginiami nynazistit Ku Klux Klanillu siorna eqqissiviilliortitsipput, pisorlu ukioq ataaseq qaangiussimalersoq malunnartinniarlugu katersuuttoqarluni.

Siorna eqqissiviilliortoqarnerani arnaq toqutaavoq.

Washingtonimili sapaammi akerliusut eqqissisimapput, nynasistit 100-t 400-llu akornanni peqataanissaat naatsorsuutigineqarsimagaluarpoq inuilli 30-t missaaniittut kisimik katersuussimapput silalu siallilermat sioqqutsisumik katersuuttoqarunnaarluni.

/ritzau/Reuters