Akerliussutsimik takutitseqattaarnerit unitsikkallarpaat
Tibetip naalakkersuisuisa Indiami qimarngusut Dalai Lamamit siulersorneqartut, Kina-mi nunap sajunneratigut ajunaartorpassuit ataqqiniarlugit, Kinamut akerliussutsimik takutitseqattaarnerit unitsikkallarpaat.
Allattoq Louise M. Kleemann
maajip 21-at 2008 08:32
Sapaatip akunnerini kingullerni Kina-mi naalakkersuisunut akerliuniarluni takutitsisaqattaarnerit, naalakkersuisunit qimarngusunit unitsikkallarneqarnissaat, naalakkersuisunit qimarngusunit kajumissaarutigineqarpoq.
- Nunap sajunneranit ajunaartunut misiginneqataanerput ersersinniarlugu, Tibetimiut nunarsuarmi nunani assigiinngitsuniittut, Kinap aallartitaqarfiisa saavini akerliussutsimik takutitsisaqattaarneri unitsinneqartariaqarput, naalakkersuisut qimarngusut Indiami illoqarfimmi Dharamshala-miittut nalunaarput.
Naalakkersuisut qimarngusut oqaaseqartitaat, Thubten Samphel oqarpoq, akerliussutsimik takutitsisaqattaarnerit maajip naanissaata tungaanut unitsikkallarneqartariaqartut.
