Akerliuniat ajornanngitsumik kunngikkormiunut isertut
- Isernissatta tungaanut ataatsilluunniit aperinngilaatigut, Nora Kristiansen tusagassiortunik katersortitsinermi oqaluttuarpoq.
Taanna akerliuniartut sisamat ulluni 20-ni parnaarussivimmi paarigallarneqartut ilagaat. Nora Kristiansen Spaniamiu akerliuniaqanni, Juan Lopez de Uralde, peqatigalugu nerersuarfiup isaariaanut appakaapput tassanilu allagartarsuarnik nittarsaallutik, allaqqasunik: Naalakkersuinermi siuttut oqaluinnarnanik iliuuseqartariaqarput.
Tamaangarujussuaq killissinnaanerannut allamut paarlaanneqarsimaneraat peqqutaasoq de Uralde-p tusarsimavaa:
Georgiami præsidentimut paarlaallunga ingerlatiinnarsimagaatigut politiit nalunaarutaanni atuarpara, De Uralde oqaluttuarpoq.
Sillimaniarnermut periusertik naammassimanngitsoq Københavnimi politiit nassuerutigaat, Greenpeace-kkormiullu unitsinneqanngivillutik isersimanerat pissutigalugu sillimaniarnermut tunngasut tamaasa pitsaanerulersissimagaat aamma oqaatigineqarpoq.
