Akerliullutik atsiortut 77.000-nngortut
Tysklandimi arsarluni nunarsuarmi pissartanngorniussanut atatillugu Danmarkimi qinikkat timersortartullu aqqusinerni ullumi angalaarput atsiornernik katersillutik.
Atsiornernik katersineq nunarsuarmi arnanik nioqquteqartarnermut akerliuniarnermut atavoq, ilisimaneqarnat arnarpassuit Tysklandimi anngiortumik niuerutigineqartartut. Atsiornerit 77.000-it maanna katersorneqareersut, atsiornernik katersinermi aaqqissuisut, sulisartut kattuffiannit 3F-imeersut nalunaarput.
Danmarkimiinnaanngitsoq aammali Europami nunani arlalissuarni atsiornernik ullumikkumut killilikkamik katersisoqarpoq, Danmarkimilu atsiornerit 100.000-it ullumikkut angoriarneqarniarput.
Atsiornerit EU kommissionip siulittaasuanut Jose Barossomut tunniunneqassapput, sulisartullu kattuffiat atsiornermut ataatsimut 1 koruunimik akiliisarumavoq Danmarkimi Rumæniamilu arnat qimarnguiinut ingerlasussanik.
