Akeqanngitsumik sms-ertarneq unippoq
TELE Greenlandip ukiuni kingullerni sms-ertunut akeqanngitsumik sullissinermik neqerooruteqarnera, atuisartunit iluarineqaraluaqisoq maanna unitsiinnartussanngorlugu TELE-miit ajuusaarutigalugu nalunaarutigineqarpoq. Tamatumunnga pissutaavoq piffissami sivisuumi akeqanngitsumik sms-ertarnerup atornerlunneqartarsimanera pillugu amerliartuinnartunit naammagittaalliortoqartarsimavoq. SMS-inik nassiussisut ilaat ajoqusersaarisarsimapput ajoraluartumillu nassiussisut kinaassusersineqarsinnaasaratik. Akeqanngitsumik sms-ersinnaanermik neqeroorut taamaatinneqaraluartoq, atuisunut ajoqusiiniarluni atornerlunneqarsinnaanngitsumik taarserneqarsinnaanera Tele Greenlandimiit misissorneqarpoq.