Akeqanngitsumik nalutsitsisarneq meeqqat illersuisuata nuannaarutigaa
Meeqqat inuusuttullu akeqanngitsumik nalukkiarsinnaanissaannut neqeroorutip, Naalagaaffiit Peqatigiisa Meeqqat Pisinnaatitaaffiinik Isumaqatigiissutaat meeqqanut, inuusuttunut, meeqqanut sullissisunut kommunalbestyrelsimilu ilaasortanut ingerlateqqinnissaa, Kommuneqarfik Sermersuup MIO-llu siorna 2014-imit ukioq manna novembarimut suleqatigiiffigisimavaat.
Meeqqat inuusuttullu suleqatigiinnermi tassani akuutinneqarsimapput, meeqqanullu sammisassanik akeqanngitsunik neqerooruteqarsinnaanissaa suleqatigiinnikkut innersuussutigineqarsimallutik:
- Uagutsinnut pingaaruteqarpoq, meeqqat tamarmik - angajoqqaat isertitaat apeqqutaatinnagit - timersornermut tunngasunik sammisaqarnissamut periarfissaqarnissaat. Naluttarfik Akeqanngitsoq piviusunnngorpoq allanullu aaqqissuussinernut aningaasanik inniminniinikuuvugut sunngiffik isumalik tamanut periarfissaaniassammat, Kommuneqarfik Sermersuup borgmesteria Asii Chemnitz Narup oqarpoq.
