Akaareqatigiinnerulernissamut ilinniariartut
Imaanngilarli inatsisartuni akaareqatigiinneruneq pineqartoq.Tassami pineqartoq tassaavoq pinerluttoqarsimatillugu pinerluttup pinerluffigineqartullu akornanni akaareqaatigiinnissamik iliuuseqartitsisarneq nunani tamalaani misilittaavigineqartoq.
Assersuutigalugu persuttaasimasoq persuttagaasimasumut sassartinneqassaaq, taamaalillunilu persuttaasup oqaloqatigiinnikkut paasisinnaassammagu qanoq pinerlunnermi kinguneri suunersut, soorlu aamma taamaaliornikkut persuttagaasup persuttaasumut kamannerminik aniatitsisinnaassagaa.
Kalaallit Nunaanni inatsisinik atortitsinermik inatsit sapaatip akunnerani qaangiuttumi Folketingimi akuerineqaqqammersoq periarfissiivoq akaareqatigiinnerunissaq aqqutigalugu pineqaatissiineq.
Tamannalu patsisaarpiarpoq Inatsisartut Inatsisit Atortinneqarnerannut Ataatsimiititaliaata ilaasortaasa ullumi Veronaliarnerannut. Ataatsimiititaliamut ilaasortaapput Kristian Jerimiassen, Esmar Bergstrøm, Vittus Mikaelsen Lene Knüppelilu.
Ataatsimeersuariat nunani tamalaaeersut allat 300-ut isumasioqatigiumaarpaat.
Lene Knüppel demokratit sinnerlugit inatsisartunut ilaasortaasoq radioaviisimut oqarpoq Australiami nunap inoqqaavisa misilittagaat soqutiginartillugu.
