Aka Høegh Kalaallit Illuannik kusassaavoq
Kalaallit Illuannik nutarterilluni iluarsartuussineq naammassineqangajalerpoq, isertariaataa iigaa isernermilu saaffiginnittarfitoqaq kusassarneqarput, elevatorilu taarserneqarluni, aamma Gukki Møllerip isaariap igaanut kusanartuliaa uleerneqaqqammerpoq, eqqumiitsulianillu saqqummersitsivik Galleri Kalak ammarnersiorneqarluni.
Elevatorip aqqutigisimasaata nutarterlugu kusanartuliarineqarnissaa tullinnguuppoq. Elevatorip aqqutigisimasaata iigaani Akap eqqumiitsuliai takuneqarsinnaassapput. Eqqumiitsuliat isigiitigalugit imaq, uumasut qilallu eqqarsaatigineqarsinnaapput.
- Immamiit nunamut qaqeriarluni silaannarsuarmut ingerlaarnertut takorluugaavoq, Aka Høegh oqarpoq.
Aka Høeghip ullumi aqaguluunniit naammassinissani naatsorsuutigaa.
