Assi: KNR // Kathrine Kruse

Politiit angallataat nutaat: AK-p sulisut ersarissumik paasitinneqartariaqarsorai

Politiit angallatissaannut inuttaasullu qanoq pineqarnissaannik pilersaarutit pillugit politimesterip akissuteqannginnera pillugu angallatini inuttat kattuffiat maanna qisuariaateqarpoq.

Politiit angallataat pingasut, angallatinik sukkanerusunik nutaanik tallimanik taarserneqassapput. Angallatit nutaat inuttanik ikinnerusunik pisariaqartitsipput.

Angallatini inuttat ilaannik ukioq ataaseq affarlu qaangiuppat soraarsitsisoqarsinnaaneranik politimesterip oqarnera sulisut akornanni toqqissisimanngissutigineqarpoq,
tamannalu iluarinartinneqanngilaq, AK-p siulittaasua Dina Olsen oqarpoq. 

- Sulisut uagutsinnut kattuffillit, politiit angallataaniittut siunissaat ernummatigigatsigut taakku atorunnaarsinneqarpata qanoq pineqarnissaat paasilluarusullugu.

Angallatini inuttat sulinerminni atukkatik sulinerminnullu atatillugu inigisatik pillugit toqqissisimanngillat, tamannalu ajortoq, siulittaasoq isumaqarpoq. 

Politimesterip isornartorsiut paasiuminaatsikkaa

Taamaattumik AK-ip siulittaasua politimesterimut ammasumik allagaqarpoq apeqqutigalugu sulisut sinneruttut allamik suliaqalernissaannik  pilersaaruteqarnersoq, aamma sulisut taakkualu ilaqutaallu sulinermut atatillugu ineqartitaasut najugaqarfimminniiginnarnissaat qulakkeerneqarsimanersoq. 

AAMMA ATUARUK Nye politibåde kan betyde fyringer

Kisianni politimester Bjørn Tegner Bay isornartorsiummut paatsuungavoq.

- Atorfillit Kattuffiata allagai ammasut atuarakkit tupallunga nassuerutigissavara, taanna KNR-imut allappoq.

Taanna siulittaasoq Dina Olsen iluaqutaasumik attaveqarfigisarsimallugu nassuiaavoq. Assersuutigalugu ataatsimiissimapput, politiit angallatitaartornissamut pilersaarut, tamatumalu inuttanut kingunerisinaasai tassani paasissutisiissutigalugu.

AK: siusuppallaarpoq

Politimesteri oqaluttuarpoq, AK ilaasortaalu ernumassuteqaraangata, Nunatsinni Politiit qaqugukkulluunniit oqaloqatiginninnissamut piareersimasoq, periarfissarlu tamanna atorluaqqullugu kaammattuivoq.

- Ataatsimiinnermi isumaqatigiissutigeqaarput, inuttat, angallatitaartornermi pitsaanngitsumik, soorlu ineqarniarnikkut, eqqugaajumaartut ataatsimoorluta qajassuartumik pissuseqarfigissagivut, Politimester Bjørn Tegner Bay oqarpoq.

AAMMA ATUARUK Politiit angallataat sukkanerusunik taarserneqassasut

AK-lli siulittaasuata angallatitaartornissami nalunaaruteqarneq siusippallaartutut suli isumaqarfigaa.

- Isumaqarpunga paaseqqaarsimasariaqaraluaraat qanoq angitigisunik angallatinik pisaassanerlutik qanorlu amerlatigisunik inuittaqassanersut, avammut nalunaarutigitinnagit taanna allannguut annertooq, AK-mi siulittaasoq Dina Olsen Merete Lindstrømimut taama oqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat