Arfininngormat nal. 17.30 politiit kalerrinneqarput. Inuusuttut taakkua pingasut nunaqarfimmiit ungasinngitsumi kangerlummi angalasimapput, tassanngaannartumik pisoqarneratigut angutit marluk imaanut nakkarsimallutik.Assi: Carl Skou

Ajutoornerup kingorna toqusoqarnerani angut unnerluutigineqaqqippoq

Angut inuusuttoq Tunumi Kuummiuni umiatsiamik ajunaartoqarneranut pisooqataasoq, maanna umiatsiamik tillissimasutut unnerluutigineqarpoq.

Sapaatip akunnerata naanerani Tunumi Kuummiuni umiatsiamik ajunaartoqarnerata kingorna angut unnerluutigineqaqqippoq.

Ajunaartoqarnerani inuit pingasut umiatsiamiit imaanut nakkarput, ilaallu ataaseq – angut 19inik ukiulik - sulinassaarineqanngilaq. 

Umiatsiameeqataasut marluk, angut arnarlu, umiatsiamut qaqeqqillugik annapput.

Angutimigassartorsimalluni angalaarsimasutut mianersungaalliorlunilu inummik toqutsisimasutut, sapaatip akunnerata naaneranili unnerluutigineqareerpoq. Angut taanna maanna aamma umiatsiamik tillissimasutut unnerluutigineqartoq, Camilla Palmann, Kalaallit Nunaanni Politiit tusagassiisartuat nalunaarpoq.

AAMMA ATUARUK Kuummiuni angut 19-inik ukiulik ajunaartoq

Ajunaartoqarsimanera arfininngormat nal. 17.30 politiinut kalerriunneqarpoq. Inuusuttut taakkua pingasut nunaqarfimmiit qanittumut kangerlummut ingerlaneranni, tassanngaannaq pisoqarneratigut angutit marluk imaanut katataasimapput.
19inik ukiulik ipisimassasoq, politiit naatsorsuutigaat. 

Ilagisai marluk n amminneq umiatsiamut qaqeqqillutik annattut, politiit nalunaarutaat naapertorlugu pinartumik ajoqusersimanngillat. 

Ujarlerneq sapaatiummat unitsinneqarpoq, ajunaartullu ilaqutai nalunaarfigineqareerlutik. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat