Ajunaartoq pillugu misissuinerit naammassipput

Kuultisiorfimmi Nalunami Nanortallup eqqaaniittumi sisamanngormat ajunaartoq pillugu politiit paasiniaanerat naammassivoq.

Takunnittunik apersuinerit tunngavigalugit lastbiilerujussuillu dumperit ajunaarutaasimasut misissoreerlugit politiit naliliipput, biilinik ingerlatsilluni ajunaarnertut pisimasoq nalilerneqarsinnaagunartoq. Tamanna pillugu Nanortalimmi politeeqarfimmi pisortaq Poul Petersen ilisimatitsivoq.

Lastbiilerujussuit dumperit ikaartarfiup ataatigut aquttup ingerlateriaraluarlugit erfagiussaavoq ajunaarlunilu.

Politiit ajunaarfiup nalaa videoliarisimavaat, immiussallu Sullivinnik Nakkutilliisoqarfimmut tunniunneqassallutik. Taamaaliornikkut paasiniarneqassaaq, sulinermi isumannaallisaanermut maleruagassat naammassineqarsimanersut.

Ajunaartoq tassaavoq Sisimiuneersoq 25-nik ukiulik Ole Svendsen, taanna Nalunami ullormi siullermi sulinermini ajunaarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat