Ajunaarsimasut nassaarineqarnerat eqqissiallaatigineqarpoq

Angutit pingasut siorna ajunaarsimasut ungasinngitsukkut nassaarineqarnerat Aasianni innuttaasut akornanni eqqissiallaatigineqaqaaq.

Oqiliallattoqaraluartorli, qanoq sivisutigisumik uumasimasimagaluarnerat qanorlu ilillutik toqusimanerat suli paasineqanngilaq.

Aasiaat Kommuneanni isumaginnittoqarfiup pisortaa Kristine Reimer oqarpoq, angutit nassaarineqarnerat arfininngormalli tusarliunneqarmat kommunep ikiuigasuartartui sulillutik aallartissimasut.

Ilaqutaasut ikiorneqarumasut sumut saaffiginnissinnaanerannnik paasitinneqareerput, arlallillu saaffiginnereerlutik.

- Ilaqutaasunut oqimaaqaaq, nalunagu angutit annassimagaluartut, nassaarineqarneralli oqiliallaatigineqaqaaq. Pineqartut ilisaareerpata aliasuutit pimoorullugit suliarineqalissapput, Kristine Reimer Radioavisimut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat